Amaia Navascues
PUNTU ITSUA
Norabidea kolektiboa: Amaia Navascues, Maite Zabaleta
Ideia, Zuzendaria: Amaia Navascues
Sortze-lana: Norabidea
Koreografia eta Interpretea: Amaia Navascues
Eszenografia, Jatorrizko Musika, argitazpena, jantziak: Norabidea
Bideoa: Maite Zabaleta
Iraupena: 12
Eskerrak:Baldintzarik gabe lagundu eta animatu gaituzuen orori
Kontaktua: norabidea@gmail.com
Amaia Navascues
Prestakuntza unibertsitarioa: dantza garaikideko goi-mailako titulua Miguel Hernández Unibertsitatean, Altea (Alacant). 2002-2005. Prestakuntza osagarria. ikasturte akademikoa CCNMn (Montpellier-ko Zentro Koreografiko Nazionala), Frantzia. 2006-2007; ikasturte akademikoa SEADen (Salzburg Experimental Academy Of Dance), Salzburg (Austria). 2005-2006; Gipuzkoako Foru Aldundiaren beka jaso zuen.
Lanbide-esperientzia: Sorkuntza propioak: Puntu itsua (2007), Akuria (2006). Orekari (2005). Batera eginiko koreografiak: Tu 2, yo 1, los demás 3 (2004), Son de ciudad(2003), finalista Alteako Lehiaketa Koreografikoan.
Interprete gisa: El patio de mi casa, Itxaso Etxepeteleku, (2005), Línea 5, Cristina Gómez (2004)
Zer da errealitatea? Non bereizten dira errealitatea eta fikzioa? Errealitate bakarra al dago?
Gaur egun, telekomunikazioen aro berri honetan, errealitatearen errepresentazioen eta erreprodukzioen garai berri batean sartzen ari gara, informazioen, eraldaturiko irudien erabileren, aldaturiko denboren eta abarren gurutzatze izugarriarekin. Azken batean, denbora eta espazio berriak, errealitate berriak.
Sorkuntza prozesuak
Laborategi batek erabiltzen duen sisteman oinarritu gara bilaketa hau hasteko, eta, hortaz, hipotesi bat (sinopsia), eta konstantean (espazioa) eta aldagaietan (irudia, soinua eta dantza) banaturiko hainbat elementu izan ditugu, aurrerago emaitzak lortzea ahalbidetu digutenak.
Konstantea zehaztu genuen lehenik, 3 pantailek osaturikoa, eta pantaila horiek bolumen jakin bat eskaintzen ziguten, zuloak, pasilloak, sakontasuna, eta abar, sortuz. Espazioa lantzeko modu horri esker publiko guztiak ez du informazio bera jasoko, ikusle bakoitzak ikus-angelu desberdina izango baitu. Hori dela-eta, publikoak ez du baterako tratamendua izango, banakako tratamendua baizik.
Aldagaiei dagokinez: dantza, soinua eta irudia, jarraibide erkide batzuk kontuan izanda lan egin dugu: ibilbidea, oihartzuna eta mugimendu-maila. Hori horrela, banakako ikerketan barneratu da taldeko kide bakoitza.
Bilaketa hori amaitutakoan, hiru helburu horiek bateratzea eta nolako erlazioak sortzen ziren ikustea izan da helburua. Zoriaren eraginez sorturiko erlazioak ikusi ditugu eta horien gain lan egin dugu, eta konexio berriak sortu ditu horrek.
