Kultura Ohiturei buruzko Panela 5. jasoaldia - 2019
Kulturaren Euskal Behatokiak, Ohiturei buruzko Panelaren bidez, herritarren kultura-ohituren berri jaso eta eremu horretan sakontzea du xede. Ikerketa hori egiteko, lagin-unitate beraren jarraipena egiten da denbora jakin batean, jarraipen horrek aukera ematen baitu inguruabarrak maila indibidualean behatzeko, zeinak aldaketa-patroien ezaugarriak zehazteko lagungarri baitira.
Lagina 204 pertsonez osatuta dago, eta denek ala denek parte-hartze kulturalaren gutxieneko atalase bat gainditzen dute. Hura orekatzen duten 3 irizpidetatik abiatuz eraikitzen da, aldaera hauen arabera:
- Lurralde historikoak (Araba % 15,7; Gipuzkoa % 35,3; Bizkaia % 47,5; 3 pertsona EAEtik kanpo daude gaur egun)
- Sexua (emakumeak % 50; gizonak % 50)
- Adina (% 56,9, 2000-1988 urte bitartean jaioak; % 43,1, 1987-1976 urte bitartean)
5. jasoaldian, % 9,3ko ordezkapen-tasa egon da, eta irizpide orokorren arabera egin dira ordezkapenak (aurreko jasoaldian parte hartu ez zuten bi pertsona berreskuratu dira jasoaldi honetan). Landa- lana 2019ko uztailaren 8tik uztailaren 26ra egin zen.
Txostenaren muina hiru ataletan dago banatuta, eta alderdi hauek aztertzen dira horietan:
- Aldaketa-ibilbideak. Hautemandako aldaketa-ibilbideak deskribatzen dira, zenbait aldagairen araberako parte-hartze mailen indizeak eraikiz. Horren ondorioz, igotzeko, mantentzeko edo jaisteko joerak sortzen dira, parte-hartze motaren arabera (hartzailea, sortzailea edo digitala).
- Aldaketaren pertzepzio subjektiboa. Norberak hautemandako bilakaeraren analisia, igotzearen, mantentzearen eta jaistearen arabera. Aurreko ataleko emaitza objektiboekin alderatzen da, eta inkestatuek berek emandako arrazoiak aztertzen dira.
- Parte-hartze kulturalaren mailak izandako bilakaeraren baldintzatzaileak. Azalpen-faktoreetan izandako aldaketek parte-hartze kulturalarekin lotutako joera gorakorren edo beherakorren gainean duten inpaktuaren analisia.
Emaitzak eskema modura aurkezten dira, eta, kasu bakoitzean, asmoak, neurgaiak, neurtzeko modua, emaitzak eta interpretazio-iruzkin bat adierazi dira. 2. Eranskinean aldagaien eta beren kodetzearen xehetasunak aurki daitezke.
- Kultura ohituren panelaren 5. buletina - 2019 [pdf, 730 kB]
- 5. neurtaldiko datuei buruzko azterketa [pdf, 980 kB]
- Bosgarren jasoaldiaren galde-sorta [pdf, 950 kB]