IKUSPEGIAK Arteen eta Kultura-industrien Estatistikako datuen irakurketa analitikoa (2017)

Arteen eta Kultura-industrien Estatistikaren seigarren edizioak 2017ko informazioa jasotzen du. Sektoreko datu hertsiez harago doazen analisiak egitea du helburu.

Ikuspegiak txostenak irakurketa orokorra eskaintzen du, interpretazioa errazteko asmoz. Estatistika 2007an jarri zen abian, eta 2009an merkataritzako eta argitaletxeen sektoreak gehitu ziren; hortaz, soilik bost urtetan bildu ditugu sektore guztiak (2009- 2017), eta horrek interesa gehitzen die datu berez baliotsu hauei, joerak aztertzeko aukera ematen dutelako. Aurtengo edizioan zinema-aretoak gehitu dira, eta, hala, ikusentzunezkoen sektoreko erakusketa osatu da.

Ikuspegiak txostenak sektoreko datuen interesa handitzen duten bi elementu ditu: kultura-sektorearen osoko ikuspegia eta zeharkako irakurketak. Analisia bi atal nagusitan egituratu da:

Lehenik eta behin, arteen eta kultura-industrien errealitatearen ezaugarriak aurkeztuko dira, sektoreko dimentsioa, titulartasuna eta lurralde-banaketa aztertuz.

Bigarrenik, datuen zeharkako irakurketa egingo da: sektoreen asimetriak, erreproduzitu daitekeen kulturaren eta zuzeneko kulturaren arteko bereizketa, agenteen jarduera ekonomikoaren bilakaera, euskarak kultura-jardueran duen pisua, agente pribatuek arlo publikoarekiko duten mendekotasun-maila, berritze- eta nazioartekotze-maila, eta emakumeen presentzia enpleguan.

Txostena osatzeko, EAEko Arteen eta Kultura-industrien sektoreek 2009-2017 aldian izandako bilakaeraren azterketa espezifikoa egingo da, eta emaitza nagusiak laburtuko dira.

IKUSPEGIAK Arteen eta Kultura-industrien Estatistikako datuen irakurketa analitikoa (2017) [pdf, 1,6 Mb]

GAZES - An analytical reading of the data of the Statistics for Arts and Cultural Industries (2017) [pdf, 1,6 Mb]

REGARDS - Une lecture analytique des données de la Statistique relative aux Arts et aux Industries culturelles (2017) [pdf, 1,6 Mb]